احلى حب

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

احلى حب

منتدى رومانسى فنى اجتماعى ثقافى
 
الرئيسيةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» العـــــــــــــودة
الخميس أكتوبر 21, 2010 10:39 am من طرف The Giant

» معادلة الزواج
الأحد أغسطس 15, 2010 6:41 am من طرف The Giant

» ورط اللى بعدك بسؤال
الجمعة أغسطس 13, 2010 7:08 am من طرف The Giant

» قالوا عن الدنيا
الجمعة فبراير 19, 2010 5:22 pm من طرف الماجيك

» عند الرقم 7 واكتب اسم العضو اللي معجب بيه...
الجمعة فبراير 12, 2010 1:05 pm من طرف lovely princess

» فضل الوضوء قبل النوم
الجمعة فبراير 12, 2010 1:19 am من طرف Brave Heart

» انتبه فأنت ملعون من الله
الجمعة فبراير 12, 2010 12:35 am من طرف Brave Heart

» لعبة كيوبيد((لعبة الحب))....
الخميس فبراير 11, 2010 1:15 pm من طرف k!moo

» حاول ان تبتسم كلمات مبتسمه
الخميس فبراير 11, 2010 1:13 pm من طرف k!moo

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

شاطر | 
 

 يوميات شاب معه موبايل

اذهب الى الأسفل 
كاتب الموضوعرسالة
الماجيك
ماجيك المنتدى
ماجيك المنتدى
avatar

عدد المساهمات : 519
تاريخ التسجيل : 13/10/2009
العمر : 27

مُساهمةموضوع: يوميات شاب معه موبايل   الثلاثاء أكتوبر 20, 2009 7:56 pm

معــانــا النهـارده موضوع حساس جدا جدا

هنتـكلم النهـارده عن مـوضـوع حلاوته انه جـاى على الجرح

كتــير من الشباب عــنده موبايل .... وكتير من الشباب مش محتاج انه يبقى
عــنده موبايل ..... وكتيـر من الشبـاب بيقولوا قال ايــه ما نقدرش نستغنى عنـه ما احنـا طول عمرنــا عايشـين من غيــره.....

ودي بقى صفحــه من يوميات واحد من الشباب مش محتاج موبايل...بس هو عنده موبايل

ياللا نشوف هو كاتب ايه






انا بقالي 3 سنين جايب موبايل ... يعني بقالي 3 سنين جايب خط ... وبرده
بقالي 3 سنين عمال انزل فى نغمــات .... نزلت كل نغمات الدنيـا لموبايلي
.... دا على اساس أنه لما يرن النغمـه دي تشتغل ...

و من هنا بقى ظهرت المشكله .... إنه يرن .... الموبايل مابيرنش خالص ...
انا قلت يمكن العيب من الجهاز .... غيرت الجهاز ..طب ممكن من الخط....غيرت الخط
.... طب ممكن من النغمــه .... غيرت النغمــه

عملت كل المحاولات عشان أسمع نغمـة موبايلي بترن من غير ما اشغلهــا انا ... بس مفيــش فايده.. كل محاولاتي كانت نتيجتها بالفشــل..

و في اليوم الموعود (إللي كنت مستنيه من زمان) .... قمت من النــوم ... ببص في الموبايل لقيــت ميسد كول ....

مش معقول....انا جالي ميسد كوول ... لأ لا يمكـن ....

فكرت افتحها على طول ولا أروح أخد شاور الأول عشان أبقى مستعد ... دخلت
حلقت دقنى و خدت شاور و عملت شعرى سبايك و حطيت بارفان و لبست احلى طقم
عندى و لسه همسك الموبايل فى ايدى و..... وكانت الصدمه ....

أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ......

تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .....

وبعد شهرين من تاريخ الميسد كنت ماشي في الشـارع رايح الدرس ... وفجأه
حسيــت بهزه في جيبي ( فيبريشن بقى ) ..... و سمعــت نغمــة موبايلي ....

انا طبعا مصدقتــش ان دا موبايلــي .... بس مكنش في حد بيـرد جنبي على
موبايلـه ..... يا نهار ابيض .... دا موبايلي اللي بيرن و إفتكرت ان دي
نغمتــي .....

كان وقت جميل اوي وانا اول مره أسمع نغمتي فيها من غير ما اشغلها ... يا
حلاوتــك يا نغمتــي ..... وقمــت مدخل ايدي في جيبـي و مطلــع الموبايل
..... و فتــحت المكالمه .....ونقول الووو

لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....

خسئت

ساعتها تـــأكدت ان النمــره غلط ... بس انا ما رديتش عشــان ميعرفش إن
النمره غلط و يحرمنــي من أجمل لحظـــات حياتي ... بس هو قفل ..... قفل
لما انا مردتش عليـه .....

و بعد الحدث ده رجعت البيــت و ما روحتش الدرس و إتعقــدت بصراحــه ....... و جــالي إكتــئاب .......

الإكتــئاب زاد.. زاد زاد جــدا لحــد ما مبقيــت أقعــد في الأوضة لوحدي و باصص للحيطــه وفي إيدي الموبايل و ما بكلمــش حد ...

كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش ....

حاولوا كتير معايا عشــان يخرجونــي من حالة الإكتــئاب إللي انا فيهــا
لحد ما بابا جه وكلمنــي وقالي: الموبايل مش كل حاجه يا بنــي ... على
أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

و قعد ناس كتير و دكاتره كتــير ييجوا يكلمـوني ... بس ما كنش فيه فايده ....

فقدوا الأمل في علاجـــي ..و بقيت انا مجنــون العيله .... كانوا مسمينــي مجنون الموبايل ....



بعد فتره بدأت أتحســن و اقتنع بكلامهم و جيت في يوم وقمــت و نسيت حكاية
الموبايل دي خالص .... وانا فاكر ســاعتها لما فتحــت التلفزيـون لقيــت
إعلان لموبايل... حاولت اقلب القناه عشان ما افكرش.. لقيــت إعلان عصام
الحضرى بتاع فودافون....

حاولت أقلب القناه عشان ما افكرش في المــوبايل ....لقيـــت إعلان نغمات فيديو تون...



الإعلان دا أثر فيــه اوي...هو انا حتــى طايل نغمــه عاديه عشان يجبلي
فيديو توووون .... الإكتئــاب رجعلي تاني ..... و قمــت قايم وجايب ورقه
وقلم وكتبت :بابا ماما سامحـوني أنا كنت عايز أخف بس انا قررت خلاص انى
انتحــر

و جيـــت ارمي نفسي من البلكونــه .... بس سمعت الموبايل بتاعي بيرن ....

اممممم دي نغمــة الرسايل أنا عارفها تين تين تين ..... فرحت اوي .....

فتحت الرساله لقيت رساله .....



"عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول............."



لأ لأ ...... انتــم كده عايزين تموتوني

آآآآآآآآآآآآآآآآآآآآآآآة بووووووووووووووم
(دا وهو بيقع م البلكونة )

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Giant
prince of basketball
prince of basketball
avatar

عدد المساهمات : 256
تاريخ التسجيل : 11/10/2009
العمر : 29
الموقع : المخروبه

مُساهمةموضوع: رد: يوميات شاب معه موبايل   الأربعاء أكتوبر 21, 2009 1:53 pm

يا ترا في حد اشترا الموبايل بتاعه ؟؟؟؟؟؟؟؟؟؟
دا تبقي حالته حلوه خالص
نعمل منه سبوبه جامده
هههههههههههه
برافوا يا مان

_________________
رمضان كريم
lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Jinny
مشرفه بنات فقط
مشرفه بنات فقط
avatar

عدد المساهمات : 478
تاريخ التسجيل : 03/10/2009
العمر : 26
الموقع : مصر

مُساهمةموضوع: رد: يوميات شاب معه موبايل   الأربعاء أكتوبر 21, 2009 2:45 pm

ههههههههههههههههه
هههههههههههههههه
بجد موضوع جميل
الله يرحمه

شكرا ليك ...

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
semsema
مشرفه الحب
مشرفه الحب
avatar

عدد المساهمات : 888
تاريخ التسجيل : 02/10/2009
العمر : 26

مُساهمةموضوع: رد: يوميات شاب معه موبايل   الأربعاء أكتوبر 21, 2009 5:15 pm

هههههههههههههههههههههههههههههههههههه
ياعيني الوله مات فيها
نايس توبيك

_________________


ما تعرفش ليه
لو ابص لك ما بشلش عيني من عليك
واول باول كل حاجه بقولها ليـــك
وليه بس صوتي بيحلى لما بيناديك
وليه بس اسمي بيحــلى لو تندهني بيــــه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://a7la7obfeldonia.ahlamontada.net/
k!moo
عضو روش طحن
عضو روش طحن
avatar

عدد المساهمات : 1145
تاريخ التسجيل : 14/10/2009
العمر : 27
الموقع : قدام الكمبيوتر على طوول

مُساهمةموضوع: رد: يوميات شاب معه موبايل   الجمعة أكتوبر 23, 2009 12:22 am

ميموت يعنى هيصعب عليكى ههههههه
اشطه يا ملك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات شاب معه موبايل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى حب :: المنتديات العامه :: شباب x بنات-
انتقل الى: