نظره تفاؤل للناس البسيطه

ابتسامه جميله

لو دققنا فيها حنلاقيها معاها حزن وجرح من عمر عدا وفات

عمر كان مليان تعب وشقا وسهر ليال طويله وصحيان من بدرى فى عز ايام البرد


فى عز ما الكل نايم متدفي همه فى الطل واقفين

فى الحر صابرين وساكتين

مهى لقمه العيش مش سهله



لا يوم سمعناهم علو صوتهم ولا اتصوروا معتصمين



حبيت ارفع ليهم القبعه

واقولهم ربنا يبارك لنا فيكم
فى نظره التفاؤل اللى بتتحدى الصعاب
فى السواعد اللى قررت تبنى ويوم عن يوم بتعلى

حتلاقيهم فى كل حته
عندى وعندك
بائع الجرائد بالقطار
بياع الفول
ملمع الاحذيه
بياع العيش(الاشتراك) وكتير غيرهم

......
...


ما حدا يتصور انهم بياخدوا فلوس اد كده
بس همه راضيين
متفائلين
وعايزين يعيشوا

........
...


دى كانت تحيتى ليهم ولكل ايد مصريه وعربيه عايزه تبنى ومش تهد
بتحلم ببكره احلى
التفاؤل لغه حوارها
والنجاح بالصمود هدفهم

لالالالالالالالا انا مش مصدق ان ده كريم
ايه المواضيع الجامده دى تسلم ايديك
وبجد محدش بيهتم بالناس دى بالرغم ان من جواهم احسن واغنى من ناس كتييييييير

هههههههههههههههههه ايه يت عم الاستغراب ده كله
سانكس

موضوع جميل
و فعلا دى اقل حاجه تتقدم ليهم

شكرا ليك يا كوستا
فى انتظار المزيد ..
دمت بود ..

موضوع جميل
فعلا الناس دي تستاهل نقدرهم
مستنين جديدك
نايس توبيك

ربنا يقدرك على فعل الخير يا كوستا ههههههه