احلى حب
البنات احسن 10000 مره من الولاد 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا البنات احسن 10000 مره من الولاد 829894
ادارة المنتدي البنات احسن 10000 مره من الولاد 103798
احلى حب
البنات احسن 10000 مره من الولاد 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا البنات احسن 10000 مره من الولاد 829894
ادارة المنتدي البنات احسن 10000 مره من الولاد 103798
احلى حب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

احلى حب

منتدى رومانسى فنى اجتماعى ثقافى
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» العـــــــــــــودة
البنات احسن 10000 مره من الولاد Icon_minitimeالخميس أكتوبر 21, 2010 10:39 am من طرف The Giant

» معادلة الزواج
البنات احسن 10000 مره من الولاد Icon_minitimeالأحد أغسطس 15, 2010 6:41 am من طرف The Giant

» ورط اللى بعدك بسؤال
البنات احسن 10000 مره من الولاد Icon_minitimeالجمعة أغسطس 13, 2010 7:08 am من طرف The Giant

» قالوا عن الدنيا
البنات احسن 10000 مره من الولاد Icon_minitimeالجمعة فبراير 19, 2010 5:22 pm من طرف الماجيك

» عند الرقم 7 واكتب اسم العضو اللي معجب بيه...
البنات احسن 10000 مره من الولاد Icon_minitimeالجمعة فبراير 12, 2010 1:05 pm من طرف lovely princess

» فضل الوضوء قبل النوم
البنات احسن 10000 مره من الولاد Icon_minitimeالجمعة فبراير 12, 2010 1:19 am من طرف Brave Heart

» انتبه فأنت ملعون من الله
البنات احسن 10000 مره من الولاد Icon_minitimeالجمعة فبراير 12, 2010 12:35 am من طرف Brave Heart

» لعبة كيوبيد((لعبة الحب))....
البنات احسن 10000 مره من الولاد Icon_minitimeالخميس فبراير 11, 2010 1:15 pm من طرف k!moo

» حاول ان تبتسم كلمات مبتسمه
البنات احسن 10000 مره من الولاد Icon_minitimeالخميس فبراير 11, 2010 1:13 pm من طرف k!moo

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

 

 البنات احسن 10000 مره من الولاد

اذهب الى الأسفل 
3 مشترك
كاتب الموضوعرسالة
Brave Heart
مشرف عام
مشرف عام
Brave Heart


عدد المساهمات : 340
تاريخ التسجيل : 08/10/2009
العمر : 35
الموقع : ام الدنيا

البنات احسن 10000 مره من الولاد Empty
مُساهمةموضوع: البنات احسن 10000 مره من الولاد   البنات احسن 10000 مره من الولاد Icon_minitimeالخميس نوفمبر 12, 2009 2:46 pm

بسمع شباب كتير بيقولو انهم احسن من البنات ومقتنعين بكدا لغايه ما كنت هبتدى اقتنع بكدا انا كمان

بس قعدت شويه اعيد حساباتى واعمل تحرياتى لقيت انى كنت غلطان جدا




و مع بعض التدقيق والتدوير والبحث والتنقيب

اقولكم على اسباب ان البنت احسن من الولد :


تتكلم براحتها في التليفون وابوها او جوزها اللي هيدفع
الفاتوره ولو معاهوش فلوس ان شاء الله يسرق او يختلس


البنت مش ملزمه تجهز نفسها ابوها او خطيبها اللي هيدفعو دم قلبهم واتفرج على التحكم
الاوضه دى خشبها مش كويس الفورمه دى مش عجبانى انا عاوزه
سرير اطول من ده قال يعنى هتتجوز تريبل اتش


مفيش حد بيبص علي بدله العريس كله بيركز في فستان العروسه


لو واحده عملت مخالفه مرور تتمسكن شويه للظابط وهو يعديها لو راجل
من قبل ما يتكلم تلاقى الظابط اتفتح اركنلى على جنب ياروح امك يا بن ال.....


البنت مش ملزمه تدفع ضرايب ابوها او جوزها بيدفعوها وهيه ولا فى الدماغ
امال الرجاله بيجيلها شلل من شويه



لو واحده مدتش لقرايبها عديه عادي ديه بنت مفيش مشكلة
ومفيش حد هيتكلم
ولكن لو راجل يقولوا ياه دا راجل
تبت وبخيل ومعفن ومقرح وجربان وابخل من ديل الكلب



لو واحده متاخره علي المحاضره ممكن تبص للدكتور وتقوله سورى يا دكتور يروح مدخلها لو ولد اتاخر وقال للدكتور
انا اسف بس والله المواصلات كانت صعبه والعربيه اللى كنت فيها عملت حادثه اتفرج بقى يقوله لاهو انت فاكر الكلام ده هيخيل عليه
تلاقيك كنت سهران مع الشله الفسدانه لنص الليل انت متحضرليش محاضرات تانيه اطلع بره فى مكان فى الكافيتريا للى زيك يا فاشل



لو بنت فى وسط المحاضره عطشت وحبت تشترى كانز تقوله يادكتور من فضلك عايزه اخرج يقولها ليه تقوله عندى ظروف
تلاقى الباب اتفتح فى ثوانى وقالها اتفضلى من غير ما يسأل ايه الظروف دى
لو ولد جاله تليفون فى وسط المحاضره بيقوله تعالى بسرعه ابوك مات يجرى وهوه بيعيط يا دكتور انا لازم اخرج دلوقت
الدكتور يقوله ليه هيه جامعه ابوك ارجع مكانك اترزع يقوله يا دكتور بابا مات لازم اخرج الدكتور يقوله مش مهم تحضر الدفنه
كفايه تحضر العزاء ارجع مكانك ياااااااد



لو حصل زعل بين بنت وباباها مش هيطردها بره البيت يادوب شخطتين او خبطه بحنيه ليه عشان البنت عضمها طرى ومتستحملش
لو ولد بقى بالبونيات والشلاليت ويديله صينيه يكومه على الارض زى الخيشه ويادوب يلحق مكان ينام فيه جنب البواب



لو فى الامتحانات والبنت حاولت تفكر انها تقول أغش الف مين عاوز يساعد وتلاقى الولد يرفعلها كراسه الاجابه وبعد
ماتخلص يقولها حاجه تانى يا آنسه ويبقى شعاره ايد لوحدها متسقفش ولازم نساعد بعض لو ولد بقى فكر انه يغش
تلاقى اللى جنبه بيزغرله كانه ياعينى قاتل ابوه ولو حاول يشب يبص على ورقه اللى جنبه تلاقى اللى جنبه اتكلفت على الورقه
زى التعبان عشان ميشوفش حاجه ويبقى شعاره الغش حرام ومن غشنا فليس منا وفى الاخر يقولك البنات بتنجح اكتر من الولاد



لو راكب اتوبيس وبنت دخلت وملقيتش مكان اتفرج على اللى هيحصل يا سلام عصر صلاح الدين الايوبى يرجع وكل واحد يعمل فيها ابو عرام
والفارس النبيل والشهامه تبقى مش عارفه تروح فين واتفضلى يا آنسه والتانى يقوله والله ماهى قاعده الا هنا
هو ينفع انتى تقفى واحنا قاعدين امال فين الشهامه والمروؤه


لو راجل دخل لو حتى عيان وعجوز ومش قادر ياسلام عصر جنكيز خان يرجع والتكشيره تترسم على وشوشهم
وتلاقى كل الركاب يبصوا من الشباك اللى بيشم شويه هواء واللى بيتفرج على
المحلات عشان عنيهم متجيش فى عين الراجل اللى ياعينى رجله اتخدلت من الوقفه وقرب يعيط



لو بنت سقطت آخر السنه وعيطت شويه معلش يا حبيتبى خيرها فى غيرها والسنه الجايه شدى حيلك
لو ولد سقط ياخرابى يالهوى يا خساره تعبى فيك انت اصلا ملكش تعليم انت فاشل
انت من بكره تنزل تشتغل مع الاسطى دقدق الميكانيكى انت خساره فيك اللقمه ياكلب



لو بنت فشلت فى التعليم تقعد فى البيت وتعمل شغل البيت وتقعد تستنى العريس
لو ولد فشل فى التعليم ينزل يغسل اصحن فى الكازينوهات او يبيع مناديل فى
اشارات المرور اويسرح بترمس على الكورنيش


لو حرامى نط على البيت الاب والام يجروا يتطمنوا على البنات ومتتخضيش ياحبيبتى ده خلاص قشط
البيت ومشى البنت بقى تقول يا مامى معقوله حرامى فى بيتنا انا منهاره هاتولى نشادر اعصابى
لو حرامى نط على نفس البيت الاب بقى يشتغل على الصبيان امال البيت مكانش فيه رجاله ولا ايه ده مش
عامل اعتبار لحدرماهو لو عارف ان البيت فيه رجاله مكانش عملها لكن انا مخلف شويه خرفان



لو ولد خارج مع بنت واتعاكست او واحد حاول يرخم عليهم يقولها ملكيش دعوه انتى يا حبيبتى اقفى بعيد ولو لقيتى دم بيطرطش وقطع غيار
بنى آدمين بتتحدف ولا يهمك هيه تقف بعيد وهو يتشاهد فى سره ويروح يقوله فى حاجه يا كابتن
واتفرج بقى عليه وهو بيكنس الاسفلت بهدومه ووشه يتخرشم من كتر الضرب ويرجع مناخيره طايره ويقولها شفتينى وانا بدشدشه



فى الشتا لو ضيف جه تلاقى البنات تقعد تضايفه وتتكلم معاه وازيك يا اونكل وعامل ايه يا عمو ويسلموا على ولاده البنات
وهاتك يابوس ويا احضان والولد شغال زى النحله انزل هات بيبسى روح هاتلنا علبتين سجاير
ويا سلام لو ح يبات فى البيت كمان تبقى كملت تلاقى البنات تقوله يا سلام يا اونكل بات معانا وانا هاخد سلمى تنام معايا دى حتى وحشانى
وتلاقى الاب جمع ولاده الصبيان ويقولهم من سكات ياولاد الكلب لموا بعضكم كده وخدوا معاكم بطانيه واطلعوا ناموا على السطح عشان مفيش مكان اونكل ميزو ينام فيه



لو بنت رايحه تخلص ورق فى مصلحه حكوميه الموظف يقابلها بابتسامه ويقولها تحت امرك اؤمرينى ويضايفها كانها رايحه تديله جايزه
وفى الاخر يودعها بابتسامه خفيفه ويقول فعلا جنس لطيف
لو ولد رايح نفس المكان الموظف يقوله ها عايز ايه الولد يقوله اصل كنت رحت عشان اعمل بطاقه وقالولى...... الموظف يقوله
انت هتحكيلى قصه حياتك انا مش فاضى للرغى ده خلص وتلاقيه بيبصله بصه وهو بيكلمه كانه اتجوز مراته ياعينى و بعد ما الولد يمشى
تلاقى الموظف يقول توب علينا يارب من البلاوى دى



لو بنت خارجه مع خطيبها كل اللى بتعمله تحط الميكب اب وتتشيك وتقولها يا مامى انا خارجه اقابل لؤى تقولها اوكيه ياحبيتبى يالله باى
والولد وهو رايح يقابلها تلاقيه منامش ليلتها ومجهز مطواه قرن غزال فى جيبه عشان لو اتعاكست وحاطط قطر فى جيبه الشمال ومربط
مع اتنين صحابه انكم متطلعوش من البيت عشان لو اتخانقت وانا بره اتصل بيكم تجولى هوا
ويا سلام لو معاهوش فلوس لزوم الفسحه والتاكسى ممكن يبيع اى حاجه عنده ويروح يلف على كل اصحابه يستلف منهم ويتمسكن لده شويه ويعيط لده شويه
وفى الاخر محدش يديه حاجه يعمل ايه المسكين ياعينى يروح داخل المطبخ يسرق الانبوبه بتاعه البوتاجاز ويبيعها ولما يخرجوا تلاقى البنت بتضحك ومبسوطه
وفرحانه وقمه الرومانسيه ومش مصدقه نفسها والولد دايما شارد ومبلم ولونه مخطوف وتقوله مالك ياحبيبى مش معايا ليه يقولها لا والله معاكى ومتعرفش انه بيفكر فى
اللى هيحصله ياولداه لما يروح واهله يكتشفوا انه سرق الانبوبه



لو حصلت خناقه فى المنطقه البنت تقف فى الشباك تتفرج كانها بتتفرج على فيلم خناقه فى الحى الهادى وتبقى مبسوطه وفرحانه وتقولك الله خناقه تعالى نتفرج
الولاد بقى ياعينى اللى يسحب سكينه ويطلع واللى يسحب نبوت ويجرى واللى ياخد جنزير ويطير الاولانى ياعينى يرجع والسكينه مرشوقه فى بطنه والتانى يرجع
والنبوت متكسر على دماغه والتالت يرجع والجنزير معلم على قفاه


بتقولو ان الولاد احلى من البنات
شفتوا يا بنات اننا مظلومين والله وطالع عين اللى جابوا ابونا


لو الحرب قامت تلاقى البنت قاعده قدام التليفزيون فاتحه قناه الجزيره وبتتفرج على اللى بيحصل وهيه بتقزقز لب وتقلب على ميلودى شويه وبتشرب نسكافيه وقدامها قفص برتقان خلصت نصه
الولد ياعينى تلاقيه شايل البندقيه وعمال يدور على الاسرائيلى هنا وهنا وفى الاخر يتنش رصاصه فى ودنه يصنج وواحده فى عينه يتعور وواحده فى رجله يتشل
والبنت تقولك ياااااى انا مقدرش اشوف المناظر دى اقلبوا المحطه دى وتلاقى الولد راجع من الحرب فاقد الذاكره ومن غير ودن وشايل رجله الشمال على كتفه



البنت لو راحت فرح تلاقى باباها بيقول البنت اتاخرت ليه مامتها تقوله سيبها تخرج انت عاوز منها ايه خليها تشوف مستقبلها يمكن تلاقلها عريس ولا حاجه
لو الولد اتاخر فى فرح باباه يقول الواد اتاخر ليه مامته تقول لباباه الواد ده انت تشوفلك حل معاه الواد ده خلاص عياره فلت ومبقاش بيعملك حساب
ولا بقيت بتملى عينه كل يوم افراح وسهر وعربده العالم ربنا بيعملوا ايه فى الافراح دى وتقعد تسخن فى ابوه زى البابور الواد يجى من بره لا بيه ولا عليه
ابوه يستلمه من على الباب قفشتك يا كلب ايه ريحه السجاير دى الواد
بقوله يا بابا دى ريحه سجارتك انت يقوله طيب سيبك من السجاير ايه ريحه الخمره دى الولد يقوله يابابا خمره ايه مش عارف تفرق بين
ريحه الخمره والفيروز وكمان هجيب خمره منين ده انت بتلضينى على ما تدينى جنيه


الوالد لو رايح مشوار مع اخته تلاقى الولد صاحى فى ميعاده وجاهز ولبس من بدرى وكوى لبسه وحط جيل على شعره ويقول لاخته يالله تقوله ثوانى على ما تتمكيج
واتفرج يامعلم ساعتين يكون اللبس المكوى اتكسر من القعده و شويه الجيل اللى على شعره نشوفو وشعره بقى
عامل زى العفش ويكون قرب ينام ويقوم وشه منفخ زى الكلب وهيه تتطلع من اوضتها برنسيسه والروج والبيرفيوم الفرنسى واللبس المكوى
يخرج الولد مع اخته وهيه زى البرنسيسه وهو عامل زى شحاتين السيده وتلاقى الشباب اللى فى الشارع بقى
شغالين تريقه اللى يقول ايه اللى ممشيكى مع النطع ده واللى يقول يدى الحلق للى بلا ودان
واللى يقول معقول الحمار ده ماشى مع الغزاله دى روح يا غراب دورلك على حدايه شبهك


شفتوا ازاى البنت طلعت احسن من الولد بمليوووووووون مره بس مكناش واخدين بالنا
الرجوع الى أعلى الصفحة اذهب الى الأسفل
Mony_flower
مشرفه القسم العام
مشرفه القسم العام
Mony_flower


عدد المساهمات : 568
تاريخ التسجيل : 03/10/2009
العمر : 31
الموقع : في بيتنا

البنات احسن 10000 مره من الولاد Empty
مُساهمةموضوع: رد: البنات احسن 10000 مره من الولاد   البنات احسن 10000 مره من الولاد Icon_minitimeالخميس نوفمبر 12, 2009 3:36 pm

هههههههههههههههههههههههههههههههههههههههه
ايه ده انت طلعتنا وحشيين اوووووي وانتو ملايكه
بس بردوا احنا احسن من الولاد
ميرسي ع الموضوع
نايس توبيك
الرجوع الى أعلى الصفحة اذهب الى الأسفل
Brave Heart
مشرف عام
مشرف عام
Brave Heart


عدد المساهمات : 340
تاريخ التسجيل : 08/10/2009
العمر : 35
الموقع : ام الدنيا

البنات احسن 10000 مره من الولاد Empty
مُساهمةموضوع: رد: البنات احسن 10000 مره من الولاد   البنات احسن 10000 مره من الولاد Icon_minitimeالجمعة نوفمبر 13, 2009 10:05 am

هههههههه طبعا انتوا احسن
مش احسن اوى يعنى ههههههه
نورتى الموضوع
الرجوع الى أعلى الصفحة اذهب الى الأسفل
mido
Admin
mido


عدد المساهمات : 568
تاريخ التسجيل : 02/10/2009
العمر : 34

البنات احسن 10000 مره من الولاد Empty
مُساهمةموضوع: رد: البنات احسن 10000 مره من الولاد   البنات احسن 10000 مره من الولاد Icon_minitimeالجمعة نوفمبر 13, 2009 1:32 pm

ههههههههههههههههههههههههههه
تصدق صح
هما احسن ممكن فى الشكل بس فى التفكير معتقدش
الرجوع الى أعلى الصفحة اذهب الى الأسفل
https://a7la7obfeldonia.ahlamontada.net
 
البنات احسن 10000 مره من الولاد
الرجوع الى أعلى الصفحة 
صفحة 1 من اصل 1
 مواضيع مماثلة
-
» عيزين تعرفوو ليه الولاد احسن من البنات خش هنا
» اشتغالات الولاد والبنات لبعض
» عيوب معظم البنات
» ليه والولاد بيمشوو ورا البنات
» ليه البنات بتروح الكليات؟؟؟؟

صلاحيات هذا المنتدى:لاتستطيع الرد على المواضيع في هذا المنتدى
احلى حب :: المنتديات العامه :: شباب x بنات-
انتقل الى: