اشتغالات الولاد والبنات لبعض

إنتى البنت إللى فى خيالى نفس الشعر و نفس العينين و نفس الجسم و..."
دى أول جملة الولاد بيقولوها للبنات فى بداية إشتغالاتهم لبعض
و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه"
الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها.

عندك حق فعلا
كلامك كلوووووووووووو صح
يسعدني اني اول واحده ترد
موضوع جميل
تسلم ايدك
ناااااايس توبيك

ميرسى ليكى يا قمر وده كمان يسعدنى انه عجبك

بصراحه سبب فشل اى علاقه 80% بتكون البنت
البنت تركيبه بجد والله تركيبه غبيه جدا

معاكى حق لازم الصدق فى الكلام بين الناس كلهم يا نيره

ليه يا فيزوو غبيه دوول حاجه جمده ؟؟

الماجيك كتب:

بصراحه سبب فشل اى علاقه 80% بتكون البنت
البنت تركيبه بجد والله تركيبه غبيه جدا

فايز مفيش قاعده ثابته بالذات ف الجنسين مستحيل نووو وااااي

زي مافي الوحش هنا فيه الحلو هنا

ربنا خلق الجنسين فيهم كل الصفات بس الاراده والايمان اللي بيحددو ظهور انهي صفه بالظبط[b]

انا معاكى يا نيره فى كل كلام بس البنات هما السببب
فى معظم الحالات بجد مش علشان انا ولد بس ده اللى بيحصل
انا عارف ان فى ولاد ومش فى دماغهم الا تسالى
ويكلم دى ودى ويكلم اكتر من بنت فى وقت واحد وفى بنات كده كمان
وعارف ان البنت لما بتحب بجد بتحب مووت
بس فى معظم الاوقات البنت هى السبب

كلامك صح يا فيزو
البنات سبب فشل العلاقاااات

اهووو وادى واحد كمان

الموضوع باين من عنوانه اصلا
الولاد بيشتغلوا البنات والبنات بيشتغلوا الولاد وبيشتغلوا نفسهم
وكل ده فى الاخر بيبقى ولا حب ولا حاجه كلام فارغ
بس زى ما فيه كده
فيه ناس عاقله جدا واللى بينهم حب بجد ومفيهوش اشتغالات بس دول نسبه قليله اوى

موضوع جامد يا كيموووووووو تسلم ياروش

لا مش كل البنات في اولاد بردوا
بيبقوا السبب الاساسي في فشل العلاقه
وبيبقي مش عاجبه العجب وبيحاول يضايق البنت لحد ما تزهق
ومفيش قاعده ان البنت ه السبب او الولد
في كدا وفي كدا
واهدوا شويه عن الهجوم اللي انتو عاملينه ع البنات ده
مفيش حد كامل
وزي ما ف ولد وحش في بنت مش كويسه

لا الولد بيبقا بيجرب حاجه كده مش قصده يزهق البنت

فبتصقت فى الاختبار اللى هو عامله
بس سهله د ى

والله البنات غلابه اووى

اوي و الله يا فيزو
بس علي فكره مش كلهم
و اللي مش غلابه شويه صغيرين اوي

يمكن عشان الولاد مش فارقه معاهم شويه فممكن يجربوا ويتسلوا
بس البنت اهم حاجه عندها سمعتها طبعا واى كلمه عليها بتأثر
فالولد له حريه شويه عن البنت
فمابالك بالبنت اللى بتقلد الولد او واخده حريتها اكتر من الولد وعلى فكره بقوا كتير
وطبعا فى بنات قمه فى الاحترام والاخلاق ومحدش يتكلم عليهم زى اعضاء المنتدى
اى خدمه يابناتيتت

ليه يا ميدوو الولاد كده ؟؟؟

ايوه الولد له حريه اكتر ولا انت ايه رأيك؟

يا كريم انا شايفه ان كل اللى قولتله ده لعب عيال
وايه اصلا اللي يمشيهم مع بعض من الاول
ولا انت بتتكلم على المخطوبيين
بس معتقدش دول مخطوبيين
لانهم لو مخطوبيين مفيش حكايه انهم يقفلوا فى وش بعض دي
بالعكس
ده كل واحد بيتمنى يسمع صوت التانى
والفاتورة تزيد بقي
وبتبقي مصيبه
والضرب اللي بيحصل بيبقي على المكالمات مش علي الميك اب والدقن
انت بتهزر ولا ايه

تسلم يا كيمو

تشكر يا قشطتى

ليه بقا يا اميره بيصل بجد والله

الميك اب والدقن
ههههههههههههههههه
انا فطست من الضحك والله

el_7ooot كتب:

كلامك صح يا فيزو
البنات سبب فشل العلاقاااات

اولا يا حوت احب اقولك محبش ابدا انك جمع او تقول البنات السبب او الولاد السبب
قول فيه شوية بنات وفيه شوية ولاد مش كل الولاد صح ومش كل البنات صح احب اكون عادل مظلمش حد
اثانيا انت بتقول البنات سبب فشل العلاقات ياعم البنات وربنا هبل اصلا اكترهم عبط واول لما بتقول لواحدة فيهم كلمه حلوة تقولك اه ده بيحبني وتقعد تحب فيه بعد كده بتعرف انها غلاطانة انها سلمتلوه وافتكرت انوه بيحبها
بالله عليك يا حوت عمرك شوفت ولاد ضحايا ابدا والله عمري ماشوفت ولد ضحية ولو فيه ولد ضحية بيبقي واد عبيط اصلا ومش داريان بالدونيا اصلا
انا بشوف دايما ان الولاد هما اللي بيعملوا نمر علي البنات يعني الاكتر ان الولاد السبب والله علي ما اقول شهيد وانا مبحبش اظلم حد ولا احب اجيب ده علي حساب ده بس اتكلم كلام مقنع شوية يا حوت ال البنات ال ده البنات عبط والله

ده بيدوو
كلام جامد

انت معايا ولا رائيك ايه ال كلام جامد ال
قول رائيك يا ابولهب
مكسلين تكتبوا والله