ما اصعب البكاء بدون دموع ....

بسم الله الرحمن الرحيم

ما اصعب البكاء بدون دموع

ماأصعب أن تبكي بلا... دموع.....وما أصعـــــب..أن

تذهب بلا رجوع

وماأصعب أن تشعر بالضيق....وكأن المكان من حولك ... يضــــــيق

مااصعب ان تتكــلم بلا صـــــوت

ان تحيــى كى تنتــظر المــــــوت

مااصعب ان تشــــعر بالســـــــأم

فتــرى كل من حــــولك عــــــدم

ويسودك احســـــــاس النـــــــدم

على إثــم لا تعرفه .... وذنب لم تقترفه

ما اصعب ان تشـــــعربالحــزن العميـق

وكأنه كامـنٌ فى داخــلك ألـــم عريــــق

تستـــكمل وحــدك الطــريــق

بلا هـــــدفٍ... بلا شــريكٍ... بلا رفيــقٍ

وتصيــر انــت و الحزن و النـدم فريــق

و تـــجد وجـــهك بين الدمــــوع غريـق

و يتحــول الأمــل البــاقى الى.... بريـق

مااصعب ان تعـــيش داخــل نفـــسك وحيـد

بلا صديــــقِ... بلا رفيـــــقِ... بلا حبيـــبِ

تشـــــعر ان الفــــرح بعـــــيد

تعانى من جــــرح...لا يطــيب

جـــرح عمـيق.. جـــرح عنـيد

جـــرح لا يـــداويــه طبيـــب

مااصعب ان تــرى النـــور ظـــلام

مااصعب ان تـــرى السعادة اوهـام

وانت وحيــد حـــيران

حلوة جدا يا أحمد
تسلم ايديك بجد

موضوع جامد يل فيزو
ما اصعب الموضوع بلا رد
هههههههههههه
اصعب الفراق بلا رجوع

اسم الموضوع تحفه اصلااااااااااااا

ميرسى يا جماعه والحمد لله
انه عجبكوا

بس ايه اكتر
حاجه ممكن تكون اصعب من الحاجات اللى موجوده دى

الحمد لله
بس انت ليه بتغيب على ما بترد كده
انت بتحط الموضوع وبتنساه ولا ايه
اوعى تكون بتلعب معاه استغماية يا أحمد

على فكرة اصعب حاجه انك تصرخ من غير صوت
يااااااااااااه
حاجه بشعه

la belle rose كتب:: الحمد لله
بس انت ليه بتغيب على ما بترد كده
انت بتحط الموضوع وبتنساه ولا ايه
اوعى تكون بتلعب معاه استغماية يا أحمد

هههه
اصلى بكون فاتح كام حاجه على النت وبكلم ناس لما بخلص بدخل اشوف ايه اللى حصل
و ايه الاخر الاخبار بتاعت المواضيع والردود

la belle rose كتب:: على فكرة اصعب حاجه انك تصرخ من غير صوت
يااااااااااااه
حاجه بشعه

فعلا صعبه

وباقى الحاجات صعبه جدا انا حاولت اختار حاجه لاقيت كتير
صعبه اووى على الانسان

بلا هـــــدفٍ... بلا شــريكٍ... بلا رفيــقٍ

اظن اني بلا هدف وبلا شريك بس برفيق وهما صحابي طبعا
بلا هدف لاني حاسس بالياس اللي في الدونيا شايف ان الدونيا ملهاش لازمة وحاسس ان انا مش هطول اصلا في الدونيا تقريبا ده مش كره الدونيا او لاني مريض نفسيا دي غريزة فيا انا مش هتتغير
بجد دونيا ملهاش لازمة ونفسي اعيش مبتسم وبضحك علطول علشان يمكن مفرحش تاني قدام
واوعي حد يفهم ان ده ضعف او جبن انا بس عايز اعيش بدماغي وحياتي اللي انظمها انا مش حد تاني
وقت ما اتزنق اشتغل وكافح انما انا مش عايز حاجة ليا ولا للدونيا بكرة اتجوز واخلف ويبقي ليا مسؤليه وحاجة اخاف عليها فهشتغل واتعب بجد انما دلوقتي مش ليا هدف عايش علشانوا بمكن بعد لما اتخرج الدونيا تتغير في عنيا بس دلوقتي لا
موضوع روعة يا فايز وتسلم علي الموضوع اللي فتح قدامي حاجات كتير
اوك انا فاهم قصدك ايه من الموضوع بس انا حبيت ان الموضوع ميموتش علشان شكلوا موضوع كوس وحبيت كمان اطلع بموضوع تاني هو جوه الموضوع بس عايز كل واحد يشوف حياتوه ايه بالنسبة ليه من خلال الموضوع
شكرا اوي علي اجمل موضوعاتك يافايز
وانا بجهز لكام موضوع كتبتوه بايدي وهنشروا في المنتدي هنا ويارب يعجبكوا

مااصعب ان تـــرى السعادة اوهـام
من الحاجات الصعبه اوي
ولازم الواحد يحس ب السعاده علي طوووووول

ميرسي على المتابعه يا فايز
وعايزاك تكتب حاجه بايدك وتنزلها
زي ما شجعت كريم
وبيدو بيكتب دلوقتى
عايزاك تكتب انت كمان

بالنسبة بقي ليك يا بيدو
فانا شايفه او تقدر تقول متاكده ان فكرك هيتغير في سنة تالته ورابعه
قبل ما تتخرج يعنى
دي حاجه فسيولوجيه

على فكرة يا بيدو
مستنية منك موضوعاتك اللى كاتبها بايدك

بصي انا هفهمك حاجة
اصل الواحد مش وراه حاجة خالص
ومش حاسس بضغط الحياة ويمكن علشان الواحد منعم شوية في الدونيا
كل واحد بيجيلوا الاكل لحد عندوا علي رائ الحج
بيقولي كلها كام سنة وهتشتغل والحياة هتمشي والحياة هتاخدك مننا وهتنسانا بعض الشي ويمكن الظروف تاخدك وتسافر علي بره وتكمل حياتك بره ومنشوفكش تاني اعمل زيي انا مش عايز منك حاجة غير اني اربيك واعلمك الصح والغلط وكلنا هنموت في الاخر بس اللي يسيب حياتوه من غير شغل ده ميبقاش راجل وهيبقي عيل طول عمروه في نظر اهلوه وفي نظر الناس يعني متخافيش
اكيد كل واحد ليه احلامي وداري علي شمعتك تقيد

اشكرلى الحاج يا بيدو
كلامه جميل ومظبوط جدا وسليم اوى
وياريت تسمع كلامه
هو بيتكلم صح
وانا قولتلك حاجه
بس تقريبا انت مخدتش بالك منها
انا قولتلك انت لما توصل تالته او رابعه فكرك هيختلف
هو ده اللى اقصده
فكرك هيختلف من الناحيه العاطفيه والمهنيه والفكريه وكل حاجه فى حياتك هتتغير
صدقنى يا بيدو
وبكرة تقول كان فيه أميرة وقالت

ماشي هبقي اقول للحج ان شاء الله
بس موعدكيش
بس انا مقتنع بالكلام ده فعلا وهطبق كل حرف منوه
وهقول كان فيه اميرة قالت من عشرين سنة
بس يارب اعيش عشرين سنة كمان

لا انا بقول هتقول كده كمان سنتين
ال انت بعد عشرين سنة هتبقي فاكرنى اساسا
وبعدين متقولش للحاج حاجه
انا بهزر
انا اقصد اقول انك تسمع كلامه يعنى

منا عارف
بعد سنتين اه ربنا يسهل بس
ومسقطش تاني بس
اصل انا بحب اسقط اوي

عبدالرحمن
بلاش حكايه السقوط دي
وبطل انك واخد حياتك ببساطة اوى كده
خاف على مستقبلك شوية
عيش صح بقي شوية
انت لازم حد يشد عليك
مفيش حاجه اسمها سقوط
عبدالرحمن لو هتسمع كلامى كاختك الكبيرة يبقي لازم تشد شوية
وتغير حياتك للاحسن

يا عبده اسمع كلامه يا عبده
بجد يا اميرة كلامك جميل
من غير زعل ممكن اقول عليكى
انتى اللى هتصلح العالم
لو زعلتى اقول علشان اعتذر

لا خالص يا أحمد
بجد كلامك حلو
وعبدالرحمن لازم فعلا يتشد عليه
الحاج عاطف شكله مش عارف يشد كويس
عبدالرحمن هيبقي مظبوط
وان شاء الله علي ايدي
ده لو بيعزنى زي ما بيقول اصلا

لا هو فعلا بيعزك
بس فى مشكله ان عبده
مفيش كلام بياثر فيه
بس هو فى الدراسه السنادى بشد وبيحضر وكل تمام
ممكن يكون عايز شد فى حاجه تاميه

مش بيدوو
اها هو فعلا والله زى ما احمد بيقول كده

عايز شد في ايه
يمكن اعرف اتصرف
ربنا يهديه عبدالرحمن يارب

» متى يؤلمك البكاء
» لماذا البنت سريعة البكاء ؟
» الفراق اصعب شعور
» ماهي اصعب كلمه ؟؟
» لحظات تنـزف فيها العين دموع من دم .,*