باركولى انا قلعت الحجاب

--------------------------------------------------------------------------------

السلام عليكم
استيقظت فى الصباح
ونظرت الى وجهى المشرق
وارتديت فستانى الجميل المزخرف
واسدلت شعرى الناعم المزين باجمل الفصوص اللامعه على كتفى العاريتين
ووضعت مكياجى الجميل
ووضعت يدى فى يديه
وخرجنا نوزع الابتاسامات على اصدقاؤنا واقاربنا الذين التفوا حولنا
بكاميراتهم وهواتفهم يلتقطون لنا الصور وتمايلنا سويا على انغام الموسيقى الحالمه
وهذا يبقى

(يوم فرحى)

كتير جدا بنشوف الصور دى
بنات محجبات وفى ليلة فرحهم يقلعوا الحجاب
وحجتهم ان دى ليلة العمر اللى مش هتتعوض تانى
لا ومش قلع الحجاب وبس وبنلاقى الفستان ماشاء الله بيجر 5 متر عالارض ومن فوق مفيش حاجه
هو عشان دى ليلة العمر تغضبى ربنا؟
لو الشباب
هتقبل ان خطيبتك تقلع الحجاب وتلبس فستان زى كده يوم فرحكم والكل يشوفها بالمنظر ده؟
لو البنات
ياترى هتقبلى على نفسك تكون كده وتكونى سلعه شكلها حلو الناس كلها بتتفرج عليها وببلاش؟

والله ياعلى انا عندى وجهه نظر
انا عن نفسى يعنى هخليها ان شاء الله تتحجب طبعا ده لو كانت مش محجبه اصلا
بس يوم الفرح هخليها براحتها بس مش براحتها اوى يعنى مش تكون زى مابتقول 5 متر تحت ومن فوق مفيش لا هيكون لبس معقول

يا جدعان خير الامور الوسط
وبعدين انا مع ان البنت تلبس النقاب بعد الجواز ده لو جوزها مش معارض
بس قبل كده معتقدش انه ضرورى قووى كفايه انها طرحتها وكده بققا

نيس توبك يا

تسلم ايدك يا علي

وهو حد حيعارض ان مراته تلبس النقاب يا كيمو؟
ده كل ما تحبها اكتر كل ما تغير عليها وتبقى عايز تشيلها فى عنيك
وانت يا جايت ما قلتش رايك فى الموضوع عايز اعرف رايك؟
وميرسى ع المرور يا ميدو وكيمو

اصلا اصلا قلع الحجاب مرة بيلغى الفترة اللى اتلبس فيها الحجاب قبل كده
وبتبدا حسابات الحجاب من الاول
ومش علشان فرح يبقي نغضب ربنا زي ما على قال
لا طبعا
وهو فعلا لو هيحبها هيشيلها فى عنيه ومش هيعارض في النقاب
بس فيه رجاله بتعارض
عايزين يحسوا انهم اتجوزا اه
بس اللي اتجوزها لسه بنوتة

صح يا اميره كلامك مظبوط فى رجاله كده
بس هو لو بيحبها فعلا زى ما على قال اكيد هيلبسها حجاب حتى يوم الفرح
وكمان بقى فى فستان بحجاب دلوقتى صح ولا ايه

ده مظبوط
واصلا اصلا اغلب الهرايس بقوا يحبوا الحجاب عن الشعر
لانه بقي موضه
والحاجه الوحيده اللى اتعملت موضه وطلعت حلوة
الحجاب بقي جميل جدا
وانا شايفه ان اغلب البنات بقت محجبه
بس فيه بنات لو قلعت الحجاب ارحم
بيعملوا حاجات متلقش بيها كمسلمه اصلا

اه والله
بيعملوا حاجات فى الطرحه من ورا كده
بجد بيبقى شكلها غبى

مش بتكلم علي الاسبانش خالص
بتكلم في سلوكياتهم
بيعملوا حاجات متلقش بيهم كمسلمين اصلا
واساءة للدين الاسلامى
وياريتهم فاهمين