اللى عايز يتجوز--للشباب فقط ممنوع دخول الحريم

ازيكم يا شباب ويابنات برضه

طبعا متاكد ان البنات عندها حب فضول ودخلت برضو

اقسمي بالله بقي انك حتردى ع الموضوع

عشان تبطلي فضول يا امورة





ايه مالك يا معلم؟ اتخضيت من العنوان .... هتموت وتتجوز صح ؟؟؟



متخفش هتتجوز ياخويا ده شر لابد منه .....لكن انت في نعمة ومش حاسس بيها عارف ليه ؟؟ هقولك ..

انت دلوقت عايش حياتك اخر روقان ودلع وعدم ارتباطك له عشر فوايد مش هتحس بقيمتهم غير وانت جوا القفص ....



((( 1 )))

مش هتكون مضطر انك تستحمل شخصية واحدة مختلفة تماما عن شخصيتك ... ده غير بقي انه طول الوقت و هتفضل عاوزة تتحكم فيك كانك اللعبة اللى ابوها جابها لها





((( 2 )))

تاكل براحتك وبمزاجك الاكل اللي يجي علي بالك من غير ما تقلق ان كان وزنك هيزيد ولا لاء ده غير انك هترتاح من تعليقاتها السخيفة والبايخة ومش هيبقي وراها شغلانة غير التريقة عليك وتفضل تذل فيك وتقول ايه رايك الطبيخ عاجبك ولا طبيخ امك

طبعا غصب عنك هتقول طبيخك علشان ما يبقاش يوم اسود عليك



((( 3 )))

حياتك دلوقت عاملة ازاي ..؟؟ بتقوم وقت ما انت عاوز وتنام وقت ماانت عاوز , تقعد علي الكمبيوتر ..

تتفرج علي التلفزيون ... تخرج مع صحابك .. يعني عايش حياتك بالطول والعرض اخر روقان

لكن بعد الجواز انسي كل ده هتلاقيها واقفالك زي الحيطة وتقولك انت رايح فين ؟؟ كنت فين يا باشا ..؟ بتكلم مين ؟؟

هيكون مين يعني ...

فاكره نفسها الشويش عطية




((( 4 )))

جيبك فيه فلوس صح ؟؟

دي فلوسك انت لوحدك ...تجيب بيها اللي نفسك فيه كله .. تبعزقها على بنات على كافيهات لو تحب بمزاجك

لكن بعد الجواز لو فكرت تصرف مليم من غير مشورتها او كشف حساب يؤكد كلامك هتفضل تقولك وده لازمته ايه ؟

انت اصلا بتعرف تشتري

دايما ينضحك عليك

محسسانى انها نازلة من بطن امها وزيره اقتصاد

مش البيت اولي ؟؟كفاية بعزقة ولم ايدك ..

لما هى بقي تروح تصرفهم على فستان وميك اب هتقول لك ان دا لمصلحة البيت وان الحاجات دي افيد
اللهم لا اعتراض يا رب



((( 5 )))

متعود انك تقضي يوم معين في الاسبوع في اي مكان بتحبه ؟ او متعود انك تزور اصحابك

او متعود انك تروح رحلات مع صحابك ؟؟؟ بتعمل كدة دلوقتي صح ؟؟

شوف بقي بعد الجواز ممنوع اى حاجة من دي
وكمان هتقول لك رجلى على رجلك
انا مش ضامنة عينك الزايغة دى



((( 6 )))

عندك هواية معينة بتعملها صح ؟

زي اشتراكك في المنتديات او كتابة الشعر او القرايه


كل ده قوله باي باي بعد الجواز هيموت يا صاحبي بعد جوازك انساه تماما هواياتك الجديدة هتكون ليها شكل تاني خالص
هتكون في ازاى تستحمل سيطرتها ونكدها عليك كل شوية وازاى تتعامل معاها معاملة الاطفال



((( 7 )))

بتتكلم وتقول رأيك فى كل شىء صح؟
وفى اى مكان ومع اى حد ومن غير خوف وقلق صح؟

لا يا بابا لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب

( انت لية بتقولي كدة ؟)

ما تعدل لسانك ؟انت ازاى تسمح لنفسك تقولى الكلمة دى

يعني مش هتخلص من قرفها وزنها

دا غير بقي انها هتقول عمر ما رايك كان صح وان مش بتعرف تفكر

سبنا لكم التفكير



((( 8 )))

انت بتتفرج على الماتشات صح ؟؟

انسي يا معلم

عود نفسك من دلوقت على انك تتفرج على برامج الموضة وكمان المسلسلات المملة اياها والمكررة خمسين مرة

بقولك ايه احجز مكان في القهوة من دلوقت عشان الماتش الجاى

واحجز لى كرسي جنبك ههههههههههههه ماشى يا ميدو



((( 9 )))

بتحب اليسا ولا هيفا ولا نانسي

من دلوقت الحاجات دى هتقول لك عليها مياصة وقلة ادب وسفالة وان عينك زايغة وانك زى القرع بتبص لبره
وان الممثلات دى لبسها عريان وهتخش النار من اوسع ابواب

طب لما انتى ناصحة كدا ما تعملى زيهم بس في بيتك
على الاقل الراجل مش هيبص بره
وطبعا ده مستحيل لان فاقد الشئ لا يعطيه ههههههههههههه

هتقول لي دول تسع نصايح وانت قلت انهم عشرة
هقولك انا ضيفها انت بقي
عشان الموضوع ربنا يزيد فيه ويبارك




شفت بقي اقتنعت ولا لسة ؟؟؟؟؟


نصيحة اى ولد خاطب يفركش الخطوبة بسرعة


معلش طولت عليكم لكن كله لمصلحتكم يا شباب








اى بنت دخلت الموضوع اوعى تزعلى بس دى الحقيقه