اوعى تقف لبنت فى المترو

بسم الله الرحمن الرحيم

مساء الجمال يا شباب

نخش ف الموضوع ع طول

ياجماعة احنا لازم نعمل وقفة .. من اللى هيه كده

دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،

والأخت إيناس الدغيدى تطلع تقول ان الراجل همجى مش بيعرف في المرأة غير جسمها،

والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ..حوش شعرك عشان نشوف جمال عقلك يا قمر
والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !!
كل الكلام ده ماشى

والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان !!

والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟ !!
البنت طبق كشرى بحاله من الكبير ابو تلاتة جنيه.. زيه زى الولد بالظبط

والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه !!

طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا

المشكلة بقى مادام بيقولوا البنت زى الولد.. ليه الولد بيقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى الولد لما يركب المترو كام مرة في اليوم وكل مرة اكتشف انه لازم اقف عشانهم تبقى مشكلة

يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامه بالظبط وتعلـّى صوتها

وتقول لصاحبتها:

معدتش باقدر أقف كتير يا سنية..

ترد عليها زميلتها واللبانة ف بقها:

ومين سمعك يا حبيبتشى..

الدكتشور قال لى انى لو وقفت على رجلى خمس دقايق هارجًّع ع اللى قدامى علطول

وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه اواد المحترم الغلبان هيقوم يبوس ايديها انها تقعد مكانه.. والله لو خلعت شعرها كله وادتهولك على سبيل المقايضة زى قدماء المصريين..برضه مش اوعى تقوم

وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟

ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى

طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..

انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل

والبنت اللى في الجامعة آه لو شافت راجل في المترو.. هيغمى عليها من الخضة..

ماانتى لسة جاية من الجامعة وكنتى انتى والولاد قاعدين تلعبوا صلح وعسكر و*****ة.. عمرك ماشفتى راجل يا شابة؟؟؟

أيوة مادام فيه مساواة تبقى ف كل حاجة.

. زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب فى شعرها وتورينك دايما انها بتحط هيد أندشولدرز ضد القشرة عشان تقم..لأنها زى ما بتحط هيد أندشولدرز الولد بيحط برضه هيد أنشولدرز ومن الحجم الكبير كمان أبو عشرين جنيه..

انا مش بقول انك متقمش خالص

.بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟

وكمان شوف الموقف ده.. بقى ينفع الواد يقف عشان واحدة ست تقعد..ويقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى ؟؟؟دا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..احكى ياشهرزاد.. احكى لشهريار

وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..

طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا

القاعدة

الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده.

.بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك الطيب

خد معاك وانت راكب المترو
..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد

خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق

يارب ارحمنا من الناس دى
والله يا جماعه الاسلام مكرم المرأه ومش محتاجه حد يدافع عن حقوقها
المرأه دايما متشاله ع الراس ومتنزلشى
المرأه دايما تأمر وكلامها كله يمشى ههههههههههههههه

علي فكرة بقي
مش هقولك غير انك صح
انت بتتكلم صح
وكلامك مظبوط
احنا لازم نقعد الناس اللي تستاهل بجد
الستات الكبار فى السن والرجاله العواجيز
او ست حامل او ما شابه
انا بصراحه باخد دعاوى حلوة لما بعمل كده
بتسمع كلام جميل ودعوة حلوة من ست او راجل كبير
ربنا يحميك ويوفقك يا بنى او يا بنتى
ياااااااااااااه
حلوة جدا
مليش دعوة بقي باللىب تلعب فى شعرها دي
انا انسانة محجبه

بجد ميرسى اوى على الكلام ده
ومكنتش اتخيل ان بنت حتكون بالحياديه دى

فعلا فى ناس بتستعبط وانا كمان معاك ف كلامك كلة يا على
واصلا المراة واخدة حقها تالت و متلت والى بيتكلمواعن حقوق المراة بيستعبطوا
موضوع جميييييييييييييييل
شكرا يا على

عندك حق ياعلي في ناس كتير اوي كده
توبيك جميل اوي تسلم ايدك

ilevm كتب:: بجد ميرسى اوى على الكلام ده
ومكنتش اتخيل ان بنت حتكون بالحياديه دى

دي مش حياديه يا علي
انا بقول الحق
معروف عنى من زمان انى بقول الصح
بغض النظر بقي الموضوع يخص البنات او الولاد
الصح يتقال
ما هو علشان نتغير لازم نغير نفسنا اول
ولازم نبطل اننا نعمل حاجه للولاد وولد ينزلها والبنات تدخل تعترض
والعكس
لا
يا نعترض واحنا فاهمين بنعترض ليه ويكون صح
يا بلاش نتكلم اصلا ونتناقش في الموضوع من اساسه

موضوع حلو اوووووووووووووووي ياعلي
انت عندك حق ف كلامك
بس بردو في رجاله مش بتقوم للستات
تسلم ايدك
نايس توبيك

ميرسى لمرورك يا امانى وياسمين وساره

يا نعترض واحنا فاهمين بنعترض ليه ويكون صح
يا بلاش نتكلم اصلا ونتناقش في الموضوع من اساسه
بجد احييكى تانى ع اكلام ده

ميرسي يا علي
ربنا يخليك
اعتقد اصلا ده اللي المفروض يحصل
ناس بتدخل تتكلم ويحسسوك انهم فاهمين وموافقين
ولا هما فاهمين ولا حاجه
وناس تدخل تعترض وبرضه مش فاهمين
زي انا دخلت لاقيت اتنين تلاته معارضينك فى الموضوع
خلاص يبقي لازم ابقي زيهم
لا طبعا
ايه الكلام ده
مينفعش يا جماعه اصلا
لازم كل واحد يبقي ليه رايه
واللى يقول رايه يقول ليه وموافق على ايه ومعترض علي ايه
انا مش عارفه الناس بقت بتفكر ازاى

بعيد على الردود لانى لاسف مش قريت الردود
وانا هقول ردى على الموضوع مش على الردود معلشى بقى
احنا من الاداب والجدعنه انك لما تكون قاعد وتلاقى ست كبير حامل راجل عجوز
تجبيهم مكانك
اما لو بنت شباب المفروض تقعده برضه علشان اللى رايح واللى جاى مش يخبط و يلمس طبعا الرجاله فاهمه والبنات برضه فاهمه الحكايه دى

موضوع جامد يا على وبجد كنا عايزين موضوع زيه

ميرسى على مرورك يا ماجيك
وبجد انا عاجبنى التوقيع بتاعك اوى يا ماجيك

كلامك صح فعلا
و لو على حقوق المرأة بالنسبه للاعلامييناللى قولت عليهم فا حقوق المرأة بالنسبه ليهم هيه المناظر اللى مش كويسه اللى بيبقوا فيها و لبسهم و تصرفاتهم و دى حاجه مش حلوة بالنسبه للمراة فعلا و ربنا فعلا ادنا حقوقنا كامله

شكراً على الموضوع
جامد جداً ..

اتفضل يا عم التوقيع

فعلا زى ما جينى بتقول الناس اللى ايناس الدغيدى وباقى الستات دى
عايزين مناظر وشهره و قله اداب غير كده هما مش عايزين ولا حقوق ولا بطيخ

أحمد انا موافقه على رايك جدا
وانت بجد جدع فعلا
انت بتفكر صح من حيث اللمسات اللي بتحصل
ومش من كل الشباب
فيه شباب محترمه وبتقف مبتعملش حاجه بالعكس بتحافظ على اللى قدامها
لكن فيه ناس تانية بتستهبل
وللاسف اوقات بتيجي من رجاله كبار فى السن
ومش تقولى مش يقصدوا
لا يقصدوا
لانك بتسكت مرة واتنين وتلاته وبتدي اعذار
بس هما بيزيدوا فيها اوى
واكيد انت فاهم كلامى كويس

ميرسى ليكى يا جينى وروز

طبعا الكلام اللى بتقولى عليه ده صح يا اميره
بس انا والله فى بنات مستفزة دول يستحقوا اللى بيحصل ليهم
وبيحب كده وانا عارف وواثق من ده

ميرسي يا على
ربنا يخليك

الماجيك كتب:: طبعا الكلام اللى بتقولى عليه ده صح يا اميره
بس انا والله فى بنات مستفزة دول يستحقوا اللى بيحصل ليهم
وبيحب كده وانا عارف وواثق من ده

اه فيه كده فعلا
بس فيه ناس برضه محترمة
زي ما فيه شباب محترمة

ربنا يهدى العاصى

هههههه يارب يا ماجيك
ونورتوا الموضوع ومتحرميناش من ردرودك يا (اميره )
اهو (اميييييييره) هههههههه

هههههههههههههههههه
يادي الفضايح
عرفتها لوحدك ولا ايه ؟
ولا سالت مين
قول ما تتكسفش
وعلى فكرة انا أميرة ( أ ) مش اميرة
ده بعد اذنك يعنى

بجد موضوعك جامد ياعلي
وفعلا اهم حاجه في الانسان انه يكون ايجابي
ومش شرط الايجابيه هي انك تقول نعم ولا فقط
ولكن الايجابيه انك تعمل الخير وتساعد علي نشره
واعتقد ان كلامك بيدور في الحته دي
ومش شرط المترو فقط لازم تكون حياتنا كلها كده
يكون فيها قدر كبير من الايجابيه وتقدير المواقف
"الاستعباط زاد قوي في مصر"

وبالنسبه للنساء المترجلات اللي انت قلت اسمائهم في الاول
اعتقد لو انت عايز تعرفهم وتعرف مدي الشذوذ الفكري اللي بيعيشوه
ممكن تقرأ ال CV بتاعهم وانت تعرفهم كويس
واعتقد ان في بنات كتيييييييير جدا عندهم من الوعي لرفض مثل هذه الافكار
ومن ضمنهم بعض البنات اللي ردوا في الموضوع

نورت يا مووون وبجد كلامك جااامد اوى ولغه عربيه من اللى بتخوف دى هههههههههههه
الحمد لله ان الموضوع نال اعجابكم كده

» اوعى تصدقيه هههههههه